როგორ გადავიღო ფილმი
- ხანგრძლივობა
- 12 კვირა
- განრიგი
- ორშაბათი, 20:00 · 1 სექტემბრიდან
- ღირებულება
- 840 ლარი (12 კვირა)
- ფორმატი
- აუდიტორია
იწყება: 1 სექ. 2026
კურსის შესახებ
კურსი სამ ფაზად არის აგებული: „კადრი“, „მონტაჟური აზროვნება“ და „ფილმი“. მონაწილეები სწავლობენ ვიზუალურ აზროვნებას, კომპოზიციას, მონტაჟს, ხმასა და რიტმს, შემდეგ კი ჯგუფებში სმარტფონით მინი-ფილმს იღებენ. შეხვედრები გაიმართება კვირაში ერთხელ, ორშაბათს 20:00 საათზე.
კურსის გეგმა
1. I ფაზა – კადრი: კინო როგორც ხედვა
- რას ნიშნავს „ვიზუალური აზროვნება“; რა არის კადრის ჩარჩო.
- რას ვირჩევთ გადასაღებად და რას (რატომ) ვტოვებთ კადრს მიღმა.
- კადრში ნაჩვენები გვიყვება იმაზე, რაც კადრს მიღმა დავტოვეთ; ყველა ამბავი კინო არ არის.
- შენ არ იღებ რეალობას – შენ რეალობას ქმნი.
- სავარჯიშო: გადაიღე „მარტოობა“ 1 კადრში (სიტყვების გარეშე).
2. კომპოზიცია და ყურადღების მართვა
- კომპოზიცია, როგორც ყურადღების მიმართვის ინსტრუმენტი და განწყობის შექმნის მექანიზმი.
- სივრცის მნიშვნელობა კადრში; თანმიმდევრულობა ვიზუალურ თხრობაში.
- სავარჯიშო: ერთი და იგივე მოქმედება სამი კომპოზიციით – სამი სხვადასხვა მნიშვნელობა.
3. ხედის სიმსხვილე და მნიშვნელობა
- რა ფუნქციებს ინაწილებს ახლო, საშუალო და საერთო ხედები.
- ახლო ხედი vs საერთო ხედი – ემოცია vs კონტექსტი.
- სავარჯიშო: მინი-სცენა სამი კადრით (საერთო – საშუალო – ახლო).
4. კამერის პოზიცია და მაყურებლის აღქმა
- გადაღების კუთხე, როგორც ავტორის დამოკიდებულება.
- ხედვის კუთხე ქმნის განწყობას, რომელიც მაყურებელს გაუაზრებლად ეუფლება.
- სავარჯიშო: „ვინ აკონტროლებს სცენას?“ – ერთი სცენა სამი კუთხით.
5. II ფაზა – მონტაჟური აზროვნება: მონტაჟის საფუძვლები
- როგორ ყალიბდება ამბავი კადრების თანმიმდევრობაში; კულეშოვის ეფექტი.
- როგორ მართავს მონტაჟი აღქმას და ემოციას; მაყურებელი აზრს თვითონ ქმნის.
- სავარჯიშო: პერსონაჟის ახლო ხედი და მონტაჟით მიღებული სამი მნიშვნელობა.
6. ხმა და უხილავი სივრცე
- ხმა, როგორც ატმოსფეროსა და ემოციის შექმნის მექანიზმი.
- როგორ მუშაობს მუსიკა კინოში.
- სავარჯიშო: ერთი სცენა სამი სხვადასხვა ხმით/მუსიკით.
7. რიტმი და დრო
- რიტმისა და ქრონომეტრაჟის კონტროლი გადასაღებ მოედანზე და მონტაჟში.
- ნელი მონტაჟი vs სწრაფი მონტაჟი; რიტმს ქმნის მოქმედება – მონტაჟი აკორექტირებს.
- სავარჯიშო: ორი რიტმის სცენა და თითოეულის სწრაფი/ნელი სამონტაჟო ვერსია.
8. კადრირება
- როგორ დავგეგმოთ კადრების გადაღება და ტექნიკური ნიუანსები ჯგუფისთვის.
- კადრირება არის დეტალური სქემა იმისა, რა უნდა გამოჩნდეს კადრში და რამ იმუშაოს ჩარჩოს მიღმა.
- სავარჯიშო: კადრირების მომზადება ერთი სცენისთვის.
9. III ფაზა – ფილმი: სივრცე და მოქმედება
- მაყურებელმა არ უნდა დაკარგოს აღქმა, სად არიან პერსონაჟები.
- სივრცე უნდა იგრძნობოდეს მაშინაც, როცა ის არ ჩანს; ყველა სივრცე კამერისთვის აღქმადი არ არის.
- სავარჯიშო: სცენა ორი პერსონაჟით – ვიღებთ მხოლოდ ერთს, მეორე აღქმადი უნდა იყოს.
10. ვიზუალური თხრობა (პრაქტიკა)
- სავარჯიშო: ჯგუფებში ვიღებთ სცენას დიალოგის გარეშე – შინაარსი მხოლოდ ვიზუალურად.
11. გადაღება – ფინალური დავალება
- ჯგუფებში ვიღებთ მინი-ფილმებს სმარტფონით (რეჟისორი, ოპერატორი, მემონტაჟე, მსახიობები).
12. ჩვენება და განხილვა
- დახურული ჩვენება და კონსტრუქციული ანალიზი; შესწორებები და საბოლოო ვერსიები.
13. ფილმების საჯარო ჩვენება
- კურსის ფინალური საჯარო ჩვენება.